Қаражанбасмұнайда үш жаңа автоцистерна қолданысқа берілді

Айта кету керек, бұл интеграциядан кейін пайдалануға берілген 13-ші арнайы көлік. Бұған дейін жұмысшылар жаңа автобустар, автогидрокөтергіш, автокран, МБГҚ және т.б. қабылдады. Еңбек ұжымы автопаркті жаңарту барлық өндірістік процесс үшін аса маңызды екенін атап өтіп, жаңа техниканы зор қуанышпен қабылдады.

«Бізге жаңа арнайы көлік құралдары өте қажет. Жаңарту жұмыстарының іс жүзінде жүріп, біздің басқармаға ерекше көңіл бөлініп жатқанын көріп-біліп отырмыз», – деп атап өтті жұмысшылар.

Әрі қарай басшылық автобус жүргізушілерімен кездесті. Ашық диалог барысында олар қосалқы бөлшектерді жеткізу және гараж орындарының болуына қатысты бірқатар мәселелерді айтты. Өз кезегінде Қуанышбай Нұрғалиев барлық мәселелер жоспарға сәйкес уақтылы шешілетінін және ТКБ жағдайын жақсарту жөніндегі жұмыстар ерекше бақылауда екенін жеткізді.

Жұмыс сапары компаниядағы бірінші жартыжылдық қорытындысы бойынша басшылықтың еңбек ұжымымен есеп беру кездесуімен жалғасты. Онда ҚБМ-ның бірқатар басқармалары мен департаменттерінің басшылары баяндама жасады. Алайда, өндірістегі қауіпсіздік техникасын сақтау мәселесі басты назарда болды. Еңбек қауіпсіздігі, денсаулық және қоршаған ортаны қорғау департаментінің директоры Наурызбек Дүйсекенов жарақаттану және алдын алу шаралары бойынша есеп берді.

Ал көлік басқармасының басшысы Нұрлан Дүйсебеков өз бағыты бойынша интеграциядан кейінгі оң өзгерістерге тоқталды. Жыл басынан бері автопаркті жаңартуға ерекше көңіл бөлініп келеді. Еңбек жағдайларын жақсарту бағдарламасы аясында қосалқы бөлшектерді жеткізу процесін жүйелеу, бокстарды орталықтандырылған жылу жүйесіне қосу, гараждардың аумағын абаттандыру және т. б. жұмыстар жүргізіліп жатыр.

Кездесуді қорытындылай келе, ҚБМ Басқармасы жұмысшыларға өндірістік көрсеткіштерді арттыру жолындағы бірлескен, жемісті еңбегі үшін алғыс білдірді және ортақ мақсаттар мен міндеттерге қол жеткізу үшін қарқынды қызмет етуге шақырды.